Jemi krenarë të mbështesim Sunny Hill Festival, duke kampionuar kreativitetin, diversitetin dhe shpirtin rinor. Kjo ngjarje e jashtëzakonshme vendos 🇽🇰 Kosovën në hartën ndërkombëtare të festivaleve dhe lidhet me energjinë e të rinjve.

IPKO tashmë njihet për inicimin dhe përfshirjen në projekte dhe aktivitete me përgjegjësi sociale në sektorë të ndryshëm, me theks të veçantë në sektorin e shëndetësisë. Gjatë këtij viti, fokusi ynë do të jetë në fushatat e vetëdijesimit për kancerin!

Në 5 vjetorin e telefonisë mobile, IPKO ka vendosur që ta mbështesë ‘Fondacionin për Nëna dhe Foshnje të Shëndosha’ në blerjen e 5 inkubatorëve të rinj për Njësinë Intensive të Neonatologjisë në QKUK. Në Klinikën e Neonatologjisë trajtohen të gjitha foshnjat me rrezik të lartë, të cilat lindin kudo në Kosovë. Prej tyre, rreth 1100 foshnja në vit lindin para kohe dhe për të mbijetuar kërkojnë kushte shumë specifike.

IPKO ka vazhduar të mbështesë arsimin në tri institucione arsimore në Kosovë duke ofruar mjetet shkollore të nevojshme për të pasuruar përvojën mësimore të nxënësve.