Виртуалды машиналарға түсетін жүктемені азайту бойынша ұсынымдар

Желілік агентті виртуалды машинаға орнатқан жағдайда, виртуалды машиналар үшін өте пайдалы емес Kaspersky Security Center функционалдығының бір бөлігін өшіру туралы ойлану керек.

Желілік агентті виртуалды машинаға немесе болашақта виртуалды машиналар алынатын үлгіге орнатқан кезде келесі әрекеттерді орындау ұсынылады:

• қашықтан орнату орындалып жатса, Желілік агенттің орнату пакетінің сипаттар терезесінде (Кеңейтілген бөлімінде) VDI параметрлерін оңтайландыру параметрін таңдаңыз;
• егер шебердің көмегімен интерактивті орнату орындалып жатса, шебер терезесінде Виртуалды инфрақұрылым үшін Желілік агент параметрлерін оңтайландыру параметрін таңдаңыз.

Параметрлерді таңдау, Желілік агенттің параметрлерін, әдепкі бойынша (саясатты қолданар алдында) келесі функциялар өшірілетіндей етіп өзгертеді:

• орнатылған бағдарламалық жасақтама туралы ақпарат алу;
• аппараттық жасақтама туралы ақпарат алу;
• осалдықтардың болуы туралы ақпарат алу;
• қажетті жаңартулар туралы ақпарат алу.

Әдетте, аталған функциялар виртуалды машиналарда қажет емес, өйткені олардағы бағдарламалық жасақтама мен виртуалды аппараттық жасақтама біркелкі.

Функцияларды өшіру қайтымды. Егер өшірулі функциялардың кез келгені қажет болса, оны Желілік агент саясаты немесе Желілік агенттің жергілікті параметрлері арқылы қосуға болады. Желілік агенттің жергілікті параметрлері Басқару консоліндегі тиісті құрылғының контекстік мәзірінен қолжетімді.