Modifikimi i fotove dhe videove në iPhone

Përdorni veglat në aplikacionin Photos për të modifikuar fotot dhe videot në iPhone. Kur përdorni iCloud Photos, çdo modifikim që bëni ruhet në të gjitha pajisjet tuaja.

Shikoni Përdorimi i iCloud Photos në iPhone.

Rregullimi i dritës dhe i ngjyrave

Te Photos, prekni një miniaturë fotoje ose videoje për ta parë në ekran të plotë.
Prekni Edit nën foto, pastaj rrëshqitni majtas për të parë butonat e modifikimit për secilin efekt si p.sh. Exposure, Brilliance dhe Highlights.
Prekni një buton, pastaj zvarriteni niveluesin për të rregulluar efektin.
Niveli i rregullimit që bëni për çdo efekt shfaqet nga një kontur rrotull butonit, në mënyrë që të mund të shikoni me shpejtësi se cilat efekte janë rritur ose ulur.
Për të parë efektin, prekni butonin e efektit për të parë shkrepjen përpara dhe pas aplikimit të efektit (ose prekni foton për të kaluar mes versionit të modifikuar dhe origjinalit).
Prekni Done për të ruajtur modifikimet, ose nëse nuk ju pëlqejnë ndryshimet, prekni Cancel, pastaj prekni Discard Changes.

Këshillë: Prekni për t'i modifikuar automatikisht fotot apo videot tuaja me efekte.

Prerja, rrotullimi ose përmbysja e një fotoje

Te Photos, prekni një miniaturë fotoje ose videoje për ta parë në ekran të plotë.
Prekni Edit, prekni , pastaj kryeni njërën nga sa më poshtë:
- Prerja manuale: Tërhiqini qoshet katrore për të mbyllur zonën që doni të mbani në foto, ose mund të bashkoni ose largoni gishtat për të hapur ose mbyllur foton.
- Prerja në një raport të paracaktuar standard: Prekni , pastaj zgjidhni një raport të tillë si Square, 2:3, 8:10 etj.
- Rrotullimi: Prekni për të rrotulluar foton 90 gradë.
- Përmbysja: Prekni për të përmbysur imazhin horizontalisht.
Prekni Done për të ruajtur modifikimet, ose nëse nuk ju pëlqejnë ndryshimet, prekni Cancel, pastaj prekni Discard Changes.

Drejtimi dhe rregullimi i perspektivës

Te Photos, prekni një miniaturë fotoje ose videoje për ta parë në ekran të plotë.
Prekni Edit, pastaj prekni .
Zgjidhni një buton efekti për të drejtuar, rregulluar perspektivën vertikale ose horizontale.
Tërhiqni niveluesin për të rregulluar efektin.
Niveli i rregullimit që bëni për çdo efekt shfaqet nga një kontur i verdhë rrotull butonit, në mënyrë që të mund të shikoni me shpejtësi se cilat efekte janë rritur ose ulur. Prekni butonin për të kaluar mes efektit të modifikuar dhe origjinalit.
Prekni Done për të ruajtur modifikimet.

Shënim: Në modelet me kamerë Ultra Wide, zona jashtë kuadrit të kamerës mund të përdoret për të rregulluar automatikisht perspektivën dhe drejtimin. Një ikonë e kaltër Auto shfaqet mbi foto kur zbatohet një rregullim automatik. Shikoni Shkrepja e përmbajtjes jashtë kuadrit të kamerës në iPhone.

Aplikimi i efekteve të filtrit

Te Photos, prekni një miniaturë fotoje ose videoje për ta parë në ekran të plotë.
Prekni Edit, pastaj prekni për të zbatuar efektet e filtrit, si p.sh. Vivid, Dramatic ose Silvertone.
Prekni një filtër, pastaj zvarriteni niveluesin për të rregulluar efektin.
Për të krahasuar foton e modifikuar me origjinalin, prekni foton.
Prekni Done për të ruajtur modifikimet, ose nëse nuk ju pëlqejnë ndryshimet, prekni Cancel, pastaj prekni Discard Changes.

Rikthimi i një fotoje të modifikuar

Pasi të modifikoni një foto dhe ruani ndryshimet, mund të riktheheni në imazhin origjinal.

Hapni imazhin e modifikuar, prekni Edit, pastaj prekni Revert.
Prekni Revert to Original.

Shënimi i një fotoje

Prekni një foto për ta parë në ekran të plotë.
Prekni Edit, pastaj prekni .
Prekni Markup .
Shënoni foton duke përdorur mjete dhe ngjyra të ndryshme vizatimi. Prekni për të shtuar format, tekstin ose madje edhe nënshkrimin tuaj.

Shikoni Vizatimi në aplikacione me Markup në iPhone.

Shkurtimi i videos

Te Photos, hapni videon, pastaj prekni Edit.
Tërhiqni njërin skaj të shikuesit të kuadrove, pastaj prekni Done.
Prekni Save Video për të ruajtur vetëm videon e shkurtuar ose prekni Save Video as New Clip për t'i ruajtur të dyja variantet e videos (iOS 13.3 e lart).

Për të zhbërë shkurtimin pas ruajtjes, hapni videon, prekni Edit, pastaj prekni Revert.

Shënim: Një video e ruajtur si fragment i ri nuk mund të kthehet tek origjinali.

Vendosja e shpejtësisë së ngadaltë të regjistrimit të një videoje në Slo-mo

Hapni një filmim Slo-mo, pastaj prekni Edit.
Tërhiqni shiritat e bardhë vertikalë poshtë shikuesit të kuadrove për të vendosur se ku luhet videoja në lëvizje të ngadaltë.

Shikoni Regjistrimi i një videoje me lëvizje të ngadalta.

I dobishëm?

Udhëzuesi i përdorimit të iPhone