Konfigurimi i kamerave të sigurisë te Home në iPhone

Mund të përdorni aplikacionin Home për të parë aktivitetet e videove të regjistruara nga kamerat HomeKit Secure Video të shtëpisë suaj kur zbulohet një person, kafshë, automjet ose pako.

Videoja e filmuar nga kamerat tuaja analizohet privatisht dhe enkriptohet në aparatin e shtëpisë (HomePod, Apple TV ose iPad) dhe ngarkohet në formë të sigurt në iCloud që të mund ta shikoni vetëm ju dhe ata me të cilët e ndani. Shikoni faqen e internetit të aksesorëve të Home për një listë të kamerave të përputhshme të sigurisë.

Nëse abonoheni në iCloud+, mund të shikoni 10 ditët e fundit të aktivitetit nga një kamerë HomeKit Secure Video, ose një numër i pakufizuar kamerash. Plani i iCloud+ me 50 GB mbështet një kamerë të vetme, plani i iCloud+ me 200 GB mbështet deri në pesë kamera dhe plani i iCloud+ me 2 TB mbështet një numër të pakufizuar kamerash.

Shënim: Përmbajtja e videos nuk ka të bëjë me kufirin e hapësirës ruajtëse të iCloud.

Opsionet e kamerës

Kur shtoni një kamerë të HomeKit Secure Video në aplikacionin Home, mund të zgjidhni opsionet e transmetimit dhe të regjistrimit dhe t'ia caktoni kamerën një dhome. Si rregull, kamera shënohet si e preferuar dhe shfaqet në skedën Home. Për t'i modifikuar këto cilësime më vonë, prekni e mbani butonin Camera, pastaj prekni për të parë këto opsione:

Room: Kamera mund të ndodhet në një dhomë në shtëpinë tuaj ose mund të krijoni një dhomë për një pikë të jashtme si p.sh. kanapenë e verandës ose oborrin e pasmë.
Notifications: Zgjidhni të merrni njoftime kur kamera zbulon aktivitetin, kur ndryshon statusin ose kalon jashtë linje.
Opsionet e regjistrimit: Mund të krijoni cilësime të veçanta për regjistrimin kur jeni në shtëpi dhe jashtë saj. Për shembull, kur jeni në shtëpi mund të zgjidhni ta ndaloni transmetimin dhe regjistrimin nga një kamerë në shtëpinë tuaj, por të vazhdoni transmetimin dhe regjistrimin për një kamerë të jashtme.
Shënim: Aplikacioni Home përdor vendndodhjen e pajisjeve që u përkasin pjesëtarëve të shtëpisë për të ndërruar mes modaliteteve Home dhe Away. Për shembull, kur shkoni për në punë me iPhone, kamera kalon nga cilësimet e When Home te cilësimet e When Away.

Konfigurimi i njoftimeve

Në aplikacionin Home , prekni dhe më pas prekni Home Settings.
Prekni Cameras & Doorbells.
Prekni kamerën për të cilën dëshironi t'i konfiguroni njoftimet.
Prekni Notifications dhe më pas aktivizoni Activity Notifications.
Mund të zgjidhni të merrni njoftime bazuar në këta faktorë:
- Koha e ditës
- Kur dikush është ose nuk është në shtëpi
- Kur regjistrohet një klip
- Kur zbulohet një lëvizje ose një lëvizje specifike
  Kur zgjidhni një lëvizje specifike, ju merrni një njoftim kur kamera zbulon njerëz, kafshë ose automjete, ose kur dorëzohet një pako. Që një pako të zbulohet, ajo duhet të jetë brenda fushëpamjes së kamerës pas dorëzimit.
  Këshillë: Nëse zgjidhni një lëvizje të caktuar, në ven të çfarëdo lëvizjeje, do të krijohen më pak fragmente (dhe më pak njoftime për fragmente) si dhe më pak video për shqyrtim. Për shembull, nëse zgjidhni të zbuloni njerëzit, kamera nuk regjistron lëvizjen e gjetheve në pemë apo ketrat që kërcejnë nga dega në degë.

Krijimi i zonave të aktivitetit

Mund të krijoni zona që e fokusojnë kamerën tuaj te zonat më të rëndësishme në pamjen e saj, p.sh. te rrugica përpara, por jo te trotuari pas saj. Më pas mund të sinjalizoheni kur zbulohen lëvizje në këto zona.

Shënim: Mund të krijoni Activity Zones vetëm për kamerat e konfiguruara për të regjistruar kur zbulohet një lëvizje specifike. Activity Zones nuk kanë ndikim në automatizimet e zbulimit të lëvizjes.

Prekni Home, prekni dhe mbani kamerën, pastaj prekni .
Prekni Select Activity Zones, prekni videon për të krijuar një zonë, më pas prekni Add Zone.
Për ta bërë kamerën të zbulojë lëvizjet vetëm jashtë zonës që keni përcaktuar, prekni Invert Zone.
Krijoni zona shtesë sipas dëshirës në pamjen e kamerës, p.sh. një për rrugën dhe një tjetër për kutinë postare.
Prekni Done.

Për të hequr një zonë aktiviteti, prekni Select Activity Zones, prekni brenda një zone, më pas prekni Clear.

Shikimi i videos

Prekni Home, pastaj prekni kamerën.
Videoja e drejtpërdrejtë duhet të luajë automatikisht.
Rrëshqisni përgjatë shiritit kohor në fund të ekranit për të shfletuar fragmentet e regjistruara.
Prekni një fragment për ta luajtur.
Ndukni fragmentin duke e hapur majtas dhe djathtas për të shfaqur shiritin kohor, pastaj tërhiqeni për të kaluar përpara ose mbrapa nëpër video.
Prekni Live për t'u kthyer në videon e drejtpërdrejtë.

Kur e konfiguroni kamerën për të pikasur lëvizje të caktuar, shiriti kohor shfaq simbole të veçanta për njerëzit, kafshët, automjetet dhe pakot.

Mund dhe të shikoni videon e drejtpërdrejtë dhe të regjistruar në aplikacionin Home në Mac tuaj me macOS 10.15.1 e lart.

Zgjedhja e opsioneve të autorizimit

Për t'u lejuar të tjerëve të shikojnë video nga kamerat tuaja, ndiqni hapat e mëposhtëm:

Prekni .
Prekni Home Settings, pastaj poshtë titullit People, prekni një person.
Prekni Cameras, pastaj zgjidhni një opsion.

Për të mësuar si t'u lejoni të tjerëve të shikojnë videot nga kamerat tuaja, shihni Mund të lejoni të tjerë të komandojnë aksesorë në shtëpinë tuaj.

I dobishëm?

Udhëzuesi i përdorimit të iPhone