Informacione të rëndësishme për sigurinë për iPhone
PARALAJMËRIM: Moszbatimi i këtyre udhëzimeve të sigurisë mund të rezultojë në zjarr, goditje elektrike, lëndime ose mund të dëmtojë iPhone ose prona të tjera. Lexoni të gjithë informacionin e sigurisë më poshtë përpara se të përdorni iPhone.
Përdorimi Përdoreni iPhone me kujdes. Ai është i përbërë prej metali, xhami dhe plastike dhe ka komponentë të ndjeshëm elektronikë brenda. iPhone ose bateria e tij mund të dëmtohet nëse rrëzohet, digjet, shpohet ose shtypet ose nëse hyn në kontakt me lëngjet. Nëse dyshoni për dëmtime të iPhone ose të baterisë, ndaloni përdorimin e iPhone, sepse mund të shkaktojë mbinxehje ose lëndim. Mos përdorni iPhone me xham të krisur, duke qenë se mund të shkaktojë lëndime. Nëse shqetësoheni se mos ju gërvishtet sipërfaqja e iPhone, konsideroni përdorimin e një këllëfi apo mbështjelljeje.
Riparimi Mos e hapni iPhone dhe mos u përpiqni ta riparoni iPhone vetë. Zbërthimi i iPhone mund ta dëmtojë, të shkaktojë humbjen e rezistencës ndaj spërkatjeve dhe ujit (modelet e mbështetura) apo dhe t'ju lëndojë. iPhone 7 e lart përmbajnë një a më shumë laserë që mund të dëmtohen gjatë riparimit apo zbërthimit, që mund të shkaktojë ekspozim të rrezikshëm ndaj emetimeve infrakuqe të laserit, të cilat nuk janë të dukshme. Nëse iPhone është dëmtuar ose keqfunksionon, kontaktoni me Apple ose një Ofrues të Autorizuar të Shërbimit të Apple. Riparimet nga ofrues shërbimi ndryshe nga Apple ose Ofrues të Autorizuar të Shërbimit të Apple mund të përdorin pjesë origjinale Apple dhe mund të ndikojnë në sigurinë dhe funksionimin e pajisjes. Mund të gjeni më shumë informacion rreth shërbimit në faqen e internetit të Riparimit të iPhone.
Bateria Mos u përpiqni ta zëvendësoni vetë baterinë e iPhone. Bateria me jone litiumi në iPhone duhet të zëvendësohet nga Apple ose nga një ofrues shërbimi i autorizuar. Në rast zëvendësimi apo riparimi të pasaktë, mund të dëmtohet bateria, duke shkaktuar mbinxehje ose duke rezultuar në lëndim. Bateria duhet të riciklohet ose hidhet veçmas nga mbeturinat shtëpiake. Mos e digjni baterinë. Për informacione rreth shërbimit dhe riciklimit të baterisë, shikoni te faqja e internetit e Shërbimit dhe riciklimit të baterisë.
Shpërqendrimi Përdorimi i iPhone në disa rrethana mund t'ju shpërqendrojë dhe mund të shkaktojë një situatë të rrezikshme (për shembull, shmangni përdorimin e kufjeve gjatë drejtimit të biçikletës dhe shmangni shkrimin e një mesazhi kur drejtoni makinën). Zbatoni rregullat që ndalojnë ose kufizojnë përdorimin e pajisjeve celulare ose kufjeve. Për më shumë siguri gjatë drejtimit të makinës, shikoni Aktivizimi i “Do Not Disturb While Driving” në iPhone.
Navigimi Maps varet nga shërbimet e të dhënave. Këto shërbime të dhënash mund të ndryshojnë dhe mund të mos ofrohen në të gjitha shtetet apo rajonet, duke bërë që hartat dhe informacioni i bazuar te vendndodhja të mos jetë i disponueshëm, të jetë i pasaktë ose jo i plotë. Krahasoni informacionin që jepet në Maps me mjedisin rrethues. Përdorni logjikën kur navigoni. Gjithmonë vëreni kushtet aktuale të rrugës dhe tabelat e afishuara për të zgjidhur mospërputhjet e mundshme. Disa veçori të Maps kërkojnë Location Services.
Karikimi Karikojeni iPhone me ushqyesin dhe kabllon e përfshirë USB ose, në modelet e mbështetura, duke e vendosur iPhone me ekran për lart në karikues të certifikuar Qi. iPhone mund ta karikoni dhe me kabllo “Made for iPhone” apo të palëve të treta dhe ushqyes që pajtohen me lidhje USB 2.0 e lart dhe me legjislacionin përkatës të vendit dhe standardet ndërkombëtare dhe rajonale të sigurisë, duke përfshirë standardin ndërkombëtar për sigurinë e pajisjeve të teknologjisë së informacionit (IEC 60950-1). Përshtatës të tjerë mund të mos plotësojnë standardet e aplikueshme të sigurisë dhe karikimi me këto përshtatës mund të paraqesë rrezik vdekjeje ose lëndimi.
Përdorimi i kabllove ose karikuesve të dëmtuar ose karikimi aty ku ka lagështirë mund të shkaktojë zjarr, goditje elektrike, lëndime, ose dëmtim të iPhone ose pronave të tjera. Kur përdorni ushqyes USB Apple për të karikuar iPhone, sigurohuni që kablloja USB të jetë futur plotësisht në ushqyes përpara se ta futni në prizë. Është e rëndësishme që ta mbani iPhone dhe përshtatësin e rrymës apo karikuesin me valë në një zonë të ajrosur mirë kur është në përdorim ose në karikim. Kur përdorni karikues me valë, hiqini kasat metalike dhe shmangni vendosjen e sendeve të huaja metalike mbi karikues (për shembull, çelësa, monedha apo stoli) duke qenë se ato mund të ngrohen ose të interferojnë në karikim.
Kablloja e karikimit dhe bashkuesi Shmangni kontaktin e zgjatur të kabllos së karikimit dhe bashkuesit me lëkurën kur kablloja e karikimit është e lidhur me një burim rryme, sepse mund të shkaktojë shqetësime ose lëndime. Duhet shmangur fjetja ose ulja mbi kabllon e karikimit ose bashkuesin.
Ekspozimi i zgjatur ndaj nxehtësisë iPhone dhe ushqyesi i tij USB pajtohen me standardet dhe kufizimet në fuqi për temperaturën e sipërfaqes të përcaktuara nga standardi ndërkombëtar për sigurinë e pajisjeve të teknologjisë së informacionit (IEC 60950-1). Megjithatë, edhe brenda këtyre kufizimeve, kontakti i zgjatur me sipërfaqe të ngrohta për periudha të gjata kohore mund të shkaktojë mungesë komoditeti ose lëndime. Përdorni logjikën për të shmangur situatat ku lëkura juaj bie në kontakt me një pajisje, përshtatësin e rrymës ose një karikues me valë kur është në punë ose i lidhur me një burim rryme për periudha të gjata kohe. Për shembull, mos flini mbi një pajisje, përshtatës rryme ose karikues me valë, ose mos i vendosni ato nën batanije, jastëk ose nën trupin tuaj, kur janë të lidhura me një burim rryme. Mbajeni iPhone dhe përshtatësin e rrymës në një zonë të ajrosur mirë kur është në përdorim ose në karikim. Bëni kujdes të veçantë nëse keni ndonjë gjendje shëndetësore që ndikon aftësinë për të diktuar nxehtësinë në trup.
Ushqyesi USB Për ta përdorur ushqyesin USB nga Apple në mënyrë të sigurt dhe për të zvogëluar mundësinë e lëndimeve ose dëmtimeve për shkak të nxehtësisë, vendoseni ushqyesin drejtpërdrejt në një prizë elektrike. Mos e përdorni ushqyesin në vende me lagështi, si p.sh. afër një lavamani, vaske ose kabine dushi, dhe mos e vendosni ose hiqni ushqyesin me duar të lagura. Ndaloni përdorimin e ushqyesit dhe çdo kablloje nëse ekziston një nga kushtet e mëposhtme:
Spina ose dhëmbëzat e ushqyesit janë të dëmtuara.
Kablloja e karikimit është e konsumuar ose e dëmtuar në ndonjë mënyrë tjetër.
Ushqyesi është ekspozuar ndaj lagështisë së madhe, ose janë derdhur lëngje mbi ushqyes.
Ushqyesi ka rënë dhe kasa është dëmtuar.
Specifikimet e ushqyesit USB 18 W:
Frekuenca: 50 deri në 60 Hz, me një fazë
Voltazhi i linjës: 100 deri 240 V
Voltazhi në dalje: 5V/3A ose 9V/2A
Specifikimet e ushqyesit USB 5W:
Frekuenca: 50 deri në 60 Hz, me një fazë
Voltazhi i linjës: 100 deri 240 V
Voltazhi në dalje: 5V/1A
Humbja e dëgjimit Dëgjimi i tingujve me volume të larta mund të shkaktojë dëmtime të dëgjimit. Zhurma në sfond, si edhe ekspozimi i vazhdueshëm në nivele me volume të larta, mund të bëjë që tingujt që duken me volum më të ulët sesa janë aktualisht. Ndizni audion dhe kontrolloni volumin përpara se të futni diçka në vesh. Për informacion mbi mënyrën e vendosjes së limitit të volumit maksimal, shikoni Luajtja e muzikës në iPhone. Për më shumë informacione rreth humbjes së dëgjimit, shikoni te faqja e internetit e Tingujve dhe dëgjimit.
PARALAJMËRIM: Për të parandaluar dëmtimin e mundshëm të dëgjimit, mos dëgjoni me nivele të larta volumi për periudha të gjata kohe.
Ekspozimi ndaj radiofrekuencës iPhone përdor sinjale radio për t'u lidhur me rrjetet me valë. Për informacione rreth energjisë së radiofrekuencës (RF) që rezulton nga sinjalet e radios dhe hapat që mund të merrni për të minimizuar ekspozimin, shkoni te Settings > General > About > Legal > RF Exposure ose vizitoni faqen e internetit RF Exposure.
Interferenca e radiofrekuencave Zbatoni sinjalistikën dhe njoftimet që ndalojnë apo kufizojnë përdorimin e pajisjeve elektronike. Megjithëse iPhone është i projektuar, testuar dhe prodhuar për t'u pajtuar me rregulloret që drejtojnë emetimet e radio frekuencave, emetimet të tilla nga iPhone mund të ndikojnë negativisht funksionimin e pajisjeve të tjera elektronike, duke u shkaktuar atyre keqfunksionim. Kur përdorimi është i ndaluar, si p.sh. gjatë udhëtimit me avion, ose kur ju kërkohet diçka e tillë nga autoritetet, fikeni iPhone, ose përdorni modalitetin e avionit ose Settings > Wi-Fi dhe Settings > Bluetooth për të çaktivizuar transmetuesit me valë të iPhone.
Interferenca e pajisjeve mjekësore iPhone përmban komponentë dhe radio që emetojnë fusha elektromagnetike. iPhone përmban magnete dhe kufjet e përfshira EarPods mund të kenë po ashtu magnete. Këto fusha elektromagnetike dhe magnete mund të interferojnë me aparate mjekësore, si p.sh. stimulues kardiakë dhe defibrilatorë. Këshillohuni me doktorin dhe prodhuesin e aparatit tuaj mjekësor për informacion konkret në lidhje me aparatin tuaj mjekësore, si dhe nëse duhet të mbani distancë sigurie midis aparatit mjekësore dhe iPhone dhe kufjeve EarPods. Nëse dyshoni se iPhone apo kufjet EarPods interferojnë me pajisjen tuaj mjekësore, ndalojeni përdorimin e iPhone ose EarPods.
Nuk është pajisje mjekësore iPhone nuk është pajisje mjekësore dhe nuk duhet të përdoret si zëvendësues për gjykimin profesionist mjekësor. Ai nuk është projektuar apo synuar për përdorim në diagnostikimin e sëmundjeve ose problemeve të tjera mjekësore, ose në kurimin, lehtësimin, trajtimin, apo parandalimin e sëmundjeve apo problemeve. Ju lutemi konsultohuni me ofruesin e kujdesit shëndetësor përpara se të merrni vendime në lidhje me shëndetin tuaj.
Problemet mjekësore Nëse keni ndonjë problem mjekësor ose keni simptoma që besoni se do të ndikohej nga iPhone ose dritat pulsuese (për shembull, kriza epileptike, bllokim truri, lodhje sysh ose dhimbje koke), konsultohuni me mjekun tuaj përpara se të përdorni iPhone.
Atmosferat shpërthyese dhe të natyrave të tjera Karikimi apo përdorimi i iPhone në zona me atmosferë të mundshme shpërthyese mund të jetë i rrezikshëm - p.sh. në zona ku ajri përmban nivele të larta kimikatesh të djegshme, avujsh apo grimcash (si p.sh. kokrriza apo pluhura metalike). Ekspozimi i iPhone në mjedise që kanë përqendrim të lartë kimikatesh industriale, duke përfshirë pika pranë gazrave të lëngët që avullojnë si p.sh. heliumi, mund të dëmtojë apo të pamundësojë funksionimin e iPhone. Zbatoni të gjitha shenjat dhe udhëzimet.
Lëvizjet e përsëritura Kur kryeni aktivitetet të përsëritura si p.sh. shkrim, rrëshqitje ose luajtje lojërash në iPhone, mund të keni shqetësime në duar, krahë, kyçe, shpatulla, qafë ose pjesë të tjera të trupit. Nëse keni shqetësime të tilla, ndaloni përdorimin e iPhone dhe konsultohuni me një mjek.
Aktivitetet me pasoja të larta Kjo pajisje nuk është për prodhuar për përdorim aty ku defektet e pajisjes mund të çojnë në vdekje, lëndime personale ose dëmtim të rëndë mjedisor.
Rreziku i mbytjes Disa aksesorë të iPhone mund të përbëjnë rrezik mbytjeje për fëmijët e vegjël. Mbajini këta aksesorë larg fëmijëve të vegjël.