Shkrepja e fotove me kamerën në iPhone
Mësoni se si të shkrepni foto të bukura me Camera në iPhone. Zgjidhni nga regjimet e kamerës si p.sh. Pano, Square dhe Portrait (në modelet e mbështetura) dhe përdorni funksione si p.sh. filtrat, Live Photos dhe Burst.
Pyet Siri. Thoni diçka si: “Open Camera”. Mësoni si të pyesni Siri-n.
![Camera në regjimin Photo, me regjimet e tjera në të majtë dhe në të djathtë poshtë shikuesit. Butonat për Flash, Live Photo, Timer dhe Filters shfaqen në krye të ekranit. Një miniaturë figure në pjesën e majtë poshtë mundëson aksesin te fotot dhe videot ekzistuese. Butoni Shutter ndodhet në mes poshtë dhe butoni Switch Camera ndodhet poshtë në të djathtë.](https://help.apple.com/assets/5C913108094622D50F674514/5C91310A094622D50F67451E/sq_AL/95b58c77693307d446a8dfb70bb89264.png)
Shkrepja e fotos
Prekni
në ekranin Home ose rrëshqitni majtas nga ekrani Lock për të hapur Camera.
Për të përgatitur shkrepjen, bëni një nga më poshtë:
Aktivizimi ose çaktivizimi i blicit: Prekni
, pastaj zgjidhni Auto, On ose Off.
Zmadhimi ose zvogëlimi: Bashkoni gishtat në ekran për të zmadhuar ose zvogëluar.
Zgjedhja e një modaliteti fotoje: Fshini në ekran për majtas ose djathtas për të zgjedhur një regjim si Photo, Square ose Pano.
Shkrepja e një autoportreti: Prekni
për të kaluar mes kamerës së përparme dhe të pasme.
Përdorimi i kohëmatësit: Stabilizoni iPhone dhe vendosni pamjen në kornizë. Prekni
, pastaj zgjidhni 3s ose 10s.
Prekni butonin Shutter ose shtypni një nga butonat e volumit për të shkrepur foton.
Nëse keni filluar nga ekrani Lock, kthehuni tek ai duke rrëshqitur lart (iPhone X e lart) ose duke shtypur butonin Home (modelet e tjera).
Shkrepja e një fotoje panoramike
Zgjidhni regjimin Pano.
Prekni butonin Shutter.
Panoramoni me ngadalë në drejtimin e shigjetës, duke e mbajtur atë në vijën e qendrës.
Për të përfunduar, prekni sërish butonin Shutter.
Prekni shigjetën për panoramizuar në drejtimin e kundër. Për të panoramuar vertikalisht, rrotulloni iPhone në orientim horizontal. Mund të ndryshoni edhe drejtimin e një panoramimi vertikal.
Në modelet me dopjo kënd të gjerë dhe kamera telefotografike, lëvizni mes dhe
për të shkrepur një panoramë në zmadhim 1-fish dhe 2-fish me rezolucion të plotë.
Shkrepja e një fotoje me një filtër
Zgjidhni regjimin Photo, Square ose Portrait, pastaj prekni
.
Poshtë shikuesit, fshijini filtrat për majtas ose për djathtas për t'i shqyrtuar; prekni njërin për ta zgjedhur.
Mund të hiqni apo ndryshoni filtrat e një fotoje te Photos.
Shkrepja e një fotoje në regjimin Portrait
Në modelet që mbështesin regjimin Portrait, mund të zbatoni efektin e thellësisë së pamjes që e mban subjektin të qartë ndërsa krijon një sfond me mjegullim të bukur. Dhe në modele me kamerë TrueDepth, mund madje të bëni selfie në regjimin Portrait.
Zgjidhni regjimin Portrait.
Për të bërë një selfie, prekni
.
Vendosni subjektin brenda kuadrit në kutinë e verdhë Portrait.
Prekni butonin Shutter.
Shënim: Kur përdorni kamerën e pasme në iPhone XR, fytyra e një personi duhet të zbulohet në pamor për të nxjerrë një fotografi në regjimin Portrait.
Pasi të nxirrni një fotografi në regjimin Portrait, mund ta hiqni efektin e regjimit Portrait në aplikacionin Photos. Hapni fotografinë, më pas prekni Edit dhe më pas prekni Portrait për të aktivizuar ose çaktivizuar efektin.
Rregulloni Portrait Lighting në regjimin Portrait
Në modelet që mbështesin Portrait Lighting, mund të aplikoni efekte ndriçimi me cilësi studioje te fotografitë tuaja në regjimin Portrait.
![Ekrani i Camera me regjimin Portrait të përzgjedhur. Te shikuesi, një kuti që tregon se opsioni Portrait Lighting është caktuar në Studio Light, dhe ka një rrëshqitës për ndryshimin e ndriçimit.](https://help.apple.com/assets/5C913108094622D50F674514/5C91310A094622D50F67451E/sq_AL/dd0317710bd038b3159b03baad6bec7b.png)
Zgjidhni regjimin Portrait, pastaj inkuadroni subjektin.
Zvarritni
për të zgjedhur një efekt ndriçimi:
Natural Light: Fytyra në fokus të mprehtë me një sfond të mjegulluar pas.
Studio Light: Fytyra është plotësisht e ndriçuar dhe fotoja ka një pamje të pastër të përgjithshme.
Contour Light: Fytyra ka hije dramatike me theksime dhe hije.
Stage Light: Fytyra ndodhet në fokus me një sfond shumë të errët pas.
Stage Light Mono: Efekti është i ngjashëm me Stage Light, por fotoja është në ngjyra klasike bardhezi.
Prekni butonin Shutter për të shkrepur pozën.
Shënim: Në iPhone XR, Stage Light dhe Stage Light Mono janë të disponueshme vetëm kur përdorni kamerën TrueDepth të kthyer përpara.
Rregulloni Depth Control në regjimin Portrait
Në modelet që mbështesin Depth Control, përdorni niveluesin e Depth Control për të rregulluar nivelin e turbullimit të sfondit në fotografitë e regjimit Portrait (iOS 12.1 e lart).
![Ekrani për Camera në regjimin Portrait. Butoni Depth Adjustment në këndin lart djathtas të ekranit është i zgjedhur. Te shikuesi i kamerës, një kuti që tregon se opsioni Portrait Lighting është caktuar në Natural Light, dhe ka një rrëshqitës për ndryshimin e opsionit të ndriçimit. Nën shikuesin e kamerës, ka një rrëshqitës për të rregulluar Depth Control.](https://help.apple.com/assets/5C913108094622D50F674514/5C91310A094622D50F67451E/sq_AL/ee5bf11d4851bb81726bc47fc9e57197.png)
Zgjidhni regjimin Portrait, pastaj inkuadroni subjektin.
Prekni
në këndin e djathtë lart të ekranit.
Rrëshqitësi Depth Control shfaqet nën kornizë.
Zvarrisni rrëshqitësin në të djathtë për të rritur efektin e turbullimit të sfondit. Zvarrisni rrëshqitësin në të majtë për të ulur efektin.
Prekni butonin Shutter për të shkrepur pozën.
Pasi të nxirrni një fotografi në regjimin Portrait, mund të përdorni rrëshqitësin Depth Control në aplikacionin Photos për të rregulluar më tej efektin e turbullimit të sfondit. Hapni një fotografi të regjimit Portrait dhe më pas prekni Edit.
Shkrepja e fotove në seri
Burst shkrep disa foto me shpejtësi të lartë që të keni një seri fotosh prej nga të zgjidhni. Mund të bëni foto në seri me kamerën e pasme dhe kamerën e përparme.
Zgjidhni regjimin Photo ose Square.
Prekni e mbani butonin Shutter për të shkrepur breshëri fotosh. Ngrini gishtin për ta ndaluar.
Numëruesi tregon sa foto janë shkrepur.
Për të zgjedhur fotot që dëshironi të mbani, prekni miniaturën e Burst, pastaj prekni Select.
Pikat gri poshtë miniaturave shënojnë fotot e sugjeruara për mbajtje.
Prekni rrethin në këndin e djathtë poshtë të secilës foto që dëshironi të ruani si foto individuale, pastaj prekni Done.
Për të fshirë të gjithë Burst, prekni miniaturën, pastaj prekni .
Shkrepja e një Live Photo
Një Live Photo regjistron çfarë ndodh përpara dhe pas shkrepjes së fotos, duke përfshirë audion.
Në modelet që mbështesin Live Photos, zgjidhni regjimin Photo.
Prekni
për të aktivizuar (me të verdhë është e aktivizuar) ose çaktivizuar.
Prekni butonin Shutter për të shkrepur pozën.
Mund t'i modifikoni Live Photos në aplikacionin Photos. Tek albumet tuaja, Live Photos shënohen me “Live” në cep.