iPhone ဖြင့်အပြန်အလှန်တုံ့ပြန်ရန် Voice Control ကိုသုံးပါ။

iPhone ကို သင့်အသံဖြင့်ထိန်းချုပ်နိုင်သည်။ လက်ဟန်များလုပ်ဆောင်ရန်၊ ဖန်သားပြင်ပါအစိတ်အပိုင်းများနှင့်အပြန်အလှန်တုံ့ပြန်ရန်၊ စာသားကိုနှုတ်တိုက်ချပေးပြီးတည်းဖြတ်ရန်စသည်တို့ကိုလုပ်ဆောင်ရန်အသံဖြင့်ညွှန်ကြားချက်များ ပြုလုပ်ပါ။

Voice Control ကိုစီမံခြင်း

ပထမဆုံးအကြိမ် Voice Control မဖွင့်မီ iPhone သည် Wi-Fi ကွန်ရက်မှတစ်ဆင့်အင်တာနက်သို့ချိတ်ဆက်ထားခြင်းရှိမရှိသေချာအောင်လုပ်ပါ။ iPhone သည် Apple မှ ဖိုင်တစ်ဖိုင်တစ်ကြိမ်ဒေါင်းလုတ်ရယူပြီးသည့်နောက် Voice Control ကိုသုံးရန်အင်တာနက်ချိတ်ဆက်မှု မလိုအပ်တော့ပါ။

Settings > Accessibility > Voice Control သို့သွားပါ။
Set Up Voice Control ကိုနှိပ်ပါ၊ ထို့နောက် ထိုဖိုင်ကိုစတင်ဒေါင်းလုတ်ဆွဲရန် Continue ကိုနှိပ်ပါ။
ဒေါင်းလုတ်ရယူမှုပြီးသွားသည့်အခါ Voice Control ဖွင့်ထားကြောင်းပြသရန်အတွက် သည် အခြေအနေပြ ဘားတန်းထဲတွင် ပေါ်လာသည်။
အောက်ပါတို့ကဲ့သို့ ရွေးချယ်မှုများကို စီစဥ်ပါ၊
- ဘာသာစကား၊ ဘာသာစကားနှင့် အော့ဖ်လိုင်းအသုံးပြုရန်အတွက် ဒေါင်းလုတ်လုပ်ထားသော ဘာသာစကားများကို စီစဥ်ပါ။
- ညွှန်ကြားချက်များကို နှစ်သက်သလိုပြုပြင်ခြင်း၊ ရရှိနိုင်သောညွှန်ကြားချက်များကို ကြည့်ရှု၍ ညွှန်ကြားချက်အသစ်များကို ဖန်တီးပါ။
- ဝေါဟာရ၊ Voice Control ကို စကားလုံးအသစ်များ သင်ပေးပါ။
- အတည်ပြုချက်ပြရန်၊ Voice Contro က ညွှန်ကြားချက်တစ်ခုကို အသိအမှတ်ပြုသည့်အခါ ဖန်သားပြင်ထိပ်တွင် သွင်ပြင်အတည်ပြုချက်တစ်ခုပေါ်လာမည်။
- အသံဖွင့်ခြင်း၊ Voice Control က ညွှန်ကြားချက်တစ်ခုကို အသိအမှတ်ပြုသည့်အခါ အသံကို ဖွင့်ပေးမည်
- သဲလွန်စများပြရန်၊ ညွှန်ကြားချက်အကြံပြုချက်များနှင့် သဲလွန်စများကို မြင်တွေ့ရခြင်း။
- အလွှာဖြင့်ပြသရန်၊ နံပါတ်များ၊ အမည်များ၊ သို့မဟုတ် ဖန်သားပြင်ပါအစိတ်အပိုင်းများကို ဂရစ်ဖြင့် ဖော်ပြသည်။
- အထူးအာရုံစိုက်မှုသတိထားရန်၊ Face IDပါရှိသည့် iPhone တွင် သင်၏ iPhone ကိုကြည့်လိုက်သည့်အခါ Voice Control ဖြင့်နိုးစေနိုင်မည်ဖြစ်ပြီး သင်မကြည့်တော့သည့်အခါ ဖန်သားပြင် ပြန်ပိတ်သွားမည်ဖြစ်သည်။

Voice Control ကို ဖွင့်ခြင်း သို့မဟုတ် ပိတ်ခြင်း

Voice Control စီမံပြီးသည့်နောက် အောက်ပါနည်းစနစ်များထဲမှာ နှစ်သက်ရာကိုအသုံးပြု၍ ၎င်းကို အလျင်အမြန် ဖွင့်ခြင်းပိတ်ခြင်းလုပ်နိုင်သည်၊

Siri ကိုဆင့်ခေါ်ပြီး "Turn on Voice Control" ဟုပြောပါ။
“Turn off Voice Control” ဟုပြောပါ။
Accessbility Shortcut သို့ Voice Control ကိုဖြည့်ရန် Settings > Accessibility > Accessibility Shortcut သို့သွားပါ၊ ထို့နောက် Voice Control ကို နှိပ်ပါ။

Voice Control ညွှန်ကြားချက်များကို လေ့လာခြင်း

Voice Control ကိုဖွင့်ထားသည့်အခါ အောက်ပါအတိုင်း စေခိုင်းချက်များကို ပြောဆိုနိုင်သည်၊

“Control Center ဖွင့်ပါ”
“home သို့ သွားပါ”
“အမျိုးအစားအမည် ကို နှိပ်ပါ”
“အက်ပ် အမည်ကို ဖွင့်ပါ”
“ဖန်သားပြင်ပုံရိပ်တစ်ပုံ ရိုက်ယူပါ”
“အသံကို ကျယ်ပါ”

Voice Control ညွှန်ကြားချက်များကိုပိုမိုလေ့လာရန် “Show me what to say” သို့မဟုတ် “Show commands” ဟုပြောပါ။

ဖန်သားပြင်အလွှာဖြင့်ဖော်ပြမှုကို အသုံးပြုခြင်း

လုပ်ဆောင်ချက်ပိုမြန်ဆန်စေရန် သင်္ကေတအမည်များ၊ နံပါတ်များ သို့မဟုတ် ဂရစ် ကိုဖော်ပြသည့် ဖန်သားပြင်အလွှာဖော်ပြမှုဖြင့် iPhone ကို လမ်းညွှန်ပါ။

အမျိုးအစားအမည်များ၊ “Show names” သို့မဟုတ် “Show names continuously” ဟုပြောပါ၊ ထို့နောက် “Tap item name” ကိုပြောပါ။
နံပါတ်များ၊ “Show numbers” သို့မဟုတ် “Show numbers continuously” ဟုပြော၍ သင့်အလိုရှိသည့်သင်္ကေတ၏ဘေးရှိ နံပါတ်ကိုပြောပါ။ “Tap number၊” “Long press number၊” “Swipe up at number” သို့မဟုတ်“Double tap number” ကဲ့သို့ လက်ဟန်တစ်ခုကိုလုပ်ဆောင်ရန် ညွှန်ကြားချက်တစ်ခုကိုလည်းပေးနိုင်သည်။
ဂရစ်၊ Grid၊ သင်္ကေတအမည် သို့မဟုတ် နံပါတ်ဖြင့် ကိုယ်စားမပြုထားသည့် ဖန်သားပြင်တည်နေရာတစ်ခုဖြင့် လုပ်ဆောင်ရန် “Show numbers” or “Show numbers continuously,”ဟုပြောဿ အောက်ပါတို့မှတစ်ခုကိုလုပ်ဆောင်ပေးသည်။
- မွှေနှောက်ရှာဖွေခြင်း၊ ပို၍အသေးစိတ်ဖော်ပြထားသည့်ဂရစ်ကိုပြရန် နံပါတ်တစ်ခုကိုပြောပါ။
- ဂရစ်ဧရိယာနှင့် အပြန်အလှန်တုံ့ပြန်ရန် ညွှန်ကြားချက်တစ်ခုကိုပြောခြင်း၊ “Tap number” သို့မဟုတ် “Zoom in number” ဟုတစ်ခုခုပြောပါ။
အကြံပြုချက် အတန်းများနှင့်ကော်လံများ၏ ဂရစ်အရေအတွက်ကိုညှိရန် Settings > Accessibility > Voice Control > Overlay သို့သွားပါ၊ ထို့နောက် Numbered Grid ကိုရွေးချယ်ပါ။ Voice Control ကိုဖွင့်လိုက်သည့်အခါ “Show grid with five rows” သို့မဟုတ် “Show grid continuously with three columns” ဟုလည်း တစ်ခုခုပြောနိုင်သည်။

အလွှာဖော်ပြမှုကိုပိတ်ရန် “Hide names ” ၊ “Hide numbers ” သို့မဟုတ်“Hide grid” ဟုပြောပါ။

နှုတ်တိုက်ချပေးသည့်မုဒ် နှင့် ညွှန်ကြားချက်မုဒ် ကြားပြောင်းခြင်း

သင်သည် စာသားထည့်သွင်းသည့်နေရာတွင် အလုပ်လုပ်နေသည့်အခါ- ဥပမာ၊ စာရွက်စာတမ်းတစ်ခု၊ အီးမေးလ်တစ်စောင် သို့မဟုတ် မက်ဆေ့ချ် ရေးသားခြင်း- သင်သည် နှုတ်တိုက်ချပေးသည့်မုဒ်နှင့် ညွှန်ကြားချက်မုဒ်ကြား လိုအပ်သလို အလွယ်တကူပြောင်းလဲနိုင်ပါသည်။ နှုတ်တိုက်ချပေးသည့်မုဒ် (ပုံသေ) တွင် Voice Control ညွှန်ကြားချက်များမဟုတ်သည့် သင်ပြောလိုက်သည့် စကားတိုင်းကို စာသားအဖြစ် ရိုက်ထည့်ပေးသည်။ ညွှန်ကြားချက်မုဒ်တွင် ထိုစာလုံးများကိုလျစ်လျူရှု၍ စာသားအဖြစ်မဖြည့်ထားဘဲ Voice Control သည်ညွှန်ကြားချက်များကိုသာတုံ့ပြန်သည်။ သင်သည် ညွှန်ကြားချက်များကို အဆက်မပြတ်အသုံးပြုသည့်အချိန်နှင့် သင်အမှတ်တမဲ့ပြောလိုက်သည်များကို စာသားထည့်သွင်းသည့်နေရာတွင် ထည့်သွင်းခြင်းများ မဖြစ်စေရန်အတွက် ညွှန်ကြားချက်မုဒ်သည် အထူးပင် အထောက်အကူဖြစ်စေပါသည်။

ညွှန်ကြားချက်မုဒ်ကို ဖွင့်ရန်၊ “ညွှန်ကြားချက်မုဒ်” ဟုပြောပါ။ ညွှန်ကြားချက်မုဒ်ကို ဖွင့်ထားသည့်အခါ စာသားနှုတ်တိုက်ချပေး၍မရသည်ကိုညွှန်ပြရန် စာသားထည့်သွင်းသည့်နေရာတွင် စာလုံးကိုအမှားပြထားသည့်အနက်ရောင်သင်္ကေတတစ်ခုပေါ်သည်။ နှုတ်တိုက်ချပေးသည့်မုဒ်ကို ပြန်ဖွင့်ရန်၊ “နှုတ်တိုက်ချပေးမုဒ်” ဟုပြောပါ။

အထောက်အကူဖြစ်ပါသလား။