Mac mini компьютеріңізді iCloud қызметімен және Continuity мүмкіндігімен пайдалану
Mac mini компьютеріңізді iPhone, iPad, iPod touch немесе Apple Watch сияқты басқа құрылғылармен пайдаланудың көптеген жолдары бар. Apple Watch құрылғыңызбен файлдарды тасымалдауыңызға, құжаттарды бөлісуіңізге және өңдеуіңізге, Mac mini компьютеріңіздің құлпын ашуыңызға, iPhone немесе iPad құрылғыңызды Интернеттің негізгі нүктесіне айналдыруыңызға және т.б. әрекеттерді орындауыңызға болады.
Құрылғыларыңыздағы мазмұнға қатынаңыз. iCloud қызметімен әрқашан жаңартылған күйде болу үшін құжаттарыңызды, фотосуреттеріңіз бен бейнелеріңізді құрылғыларда қауіпсіз сақтауыңызға, өңдеуіңізге және бөлісуіңізге болады. Жұмысты бастау үшін Mac компьютеріңіздегі iCloud мазмұныңызға қатынау бөлімін қараңыз.
Mac компьютеріңізді бірінші орнатқанда қоспаған болсаңыз, iCloud параметрін қосу үшін Dock тақтасындағы System Preferences белгішесін 
басыңыз, Sign In түймесін басыңыз, одан кейін Apple ID идентификаторыңызбен кіріңіз немесе жоқ болса, жаңа біреуін жасаңыз. iCloud мүмкіндіктерін қосу немесе өшіру үшін iCloud түймесін басыңыз. Қосымша мәліметтерді macOS жүйесінің пайдаланушы нұсқаулығындағы iCloud қызметін орнату бөлімінен қараңыз.
Mac mini компьютеріңізді басқа құрылғылармен пайдаланыңыз. Mac mini компьютеріңіз бен басқа құрылғылардың арасында Continuity мүмкіндігін пайдаланып жатық жылжуыңызға болады. Тек әрбір құрылғығаApple ID идентификаторыңызбен кіріңіз, сонда Mac mini компьютеріңіз бен құрылғыларыңыз бір-біріне жақын кезде олар қолайлы жолдармен бірге жұмыс істейді. Continuity мүмкіндіктерімен тапсырманы бір құрылғыда бастап, оны екіншісінде аяқтау (Mac компьютеріңізде Handoff мүмкіндігін пайдалану бөлімін қараңыз), құрылғылар арасында көшіріп, қою (Mac компьютеріңіздегі Universal Clipboard мүмкіндігін пайдалану бөлімін қараңыз), қоңырауларға Mac mini компьютеріңізден жауап беру немесе мәтіндік хабарлар жіберу (Mac компьютеріңіздегі телефон қоңыраулары мен мәтіндік хабарлар бөлімін қараңыз), файлдарды AirDrop қызметімен тасымалдау (Mac компьютеріңіздегі AirDrop функциясы бөлімін қараңыз) және т.б. сияқты тапсырмаларды орындауыңызға болады.
Continuity мүмкіндігін қолдайтын құрылғылардың жүйе талаптарының тізімін Continuity мүмкіндігінің жүйе талаптары атты Apple Support мақаласын қараңыз. Continuity мүмкіндігін Mac mini компьютеріңізбен пайдалану туралы қосымша мәліметтер алу үшін Mac, iPhone, iPad, iPod touch және Apple Watch құрылғыларыңызды қосу үшін Continuity мүмкіндігін пайдалану атты Apple Support мақаласын қараңыз немесе Барлық құрылғыларыңыз бөліміне өтіңіз.
