Mac компьютеріңіздегі Siri көмекшісі
iMac компьютеріңізде Siri көмекшісіне сөйлеуіңізге және дауысыңызды көптеген тапсырмалар үшін пайдалануыңызға болады. Мысалы, файлдарды табуға, жиналыстарды жоспарлауға, теңшелімдерді өзгертуге, жауаптар алуға, хабарлар жіберуге, телефон қоңырауларын шалуға және күнтізбеге элементтер қосуға болады. Siri сізге бағыттар («How do I get home from here?»), ақпарат («How high is Mount Whitney?) бере алады, негізгі тапсырмаларды («Create a new grocery list») және т.б. әрекеттерді орындай алады.
Siri көмекшісі 24 дюймдік iMac немесе 27 дюймдік iMac компьютеріңізде «Listen for ‘Hey Siri» параметрін қосқан болсаңыз, «Hey Siri» деп, бірден сұрауыңызды айтқан кезде қолжетімді болады.
Ескертпе: Siri көмекшісін пайдалану үшін Mac компьютеріңіз Интернетке қосылған болуы тиіс. Siri көмекшісі барлық тілдерде немесе барлық аймақтарда қолжетімді бола бермеуі мүмкін және мүмкіндіктер аймаққа байланысты өзгеруі мүмкін.
Siri көмекшісін қосыңыз. System Preferences терезесін ашыңыз, Siri түймесін басыңыз және параметрлерді орнатыңыз. Орнату кезінде Siri параметрін қосқан болсаңыз, Siri терезесін ашу үшін Command-Space bar пернелер тіркесімін басып тұрыңыз. Не болмаса, System Preferences терезесінде Siri түймесін басыңыз, одан кейін Enable Ask Siri параметрін таңдаңыз. Пайдаланылатын тіл және дауыс және мәзір жолағында Siri белгішесін көрсету сияқты басқа параметрлерді да орната аласыз.
Siri көмекшісіне сөйлеңіз. Command-Space bar пернелер тіркесімін басып тұрыңыз (немесе мүмкіндік қосулы болған жағдайда «Hey Siri» деп айтыңыз) және сөйлеуді бастаңыз. Siri белгішесін мәзір жолағына сол параметрді System Preferences терезесінің Siri тақтасында таңдау арқылы қоса аласыз. Одан кейін, Siri көмекшісін пайдалану үшін Siri белгішесін 
басыңыз.
Hey Siri. 24 дюймдік iMac немесе 27 дюймдік iMac компьютерлеріңізде сұрауларыңызға жауаптар алу үшін жай ғана «Hey Siri» деп айтуыңызға болады. System Preferences терезесінің Siri тақтасындағы осы мүмкіндікті қосу үшін Enable Ask Siri түймесін басыңыз, одан кейін сұралған кезде бірнеше Siri пәрмендерін айтыңыз.
Кеңес: Siri көмекшісін пайдалануға болатын басқа жолдар туралы үйрену үшін кез келген уақытта «What can you do» деңіз немесе Help түймесін 
басыңыз.
Кейбір музыканы ойнатыңыз. Тек «Play some music» деңіз ал Siri қалғанын орындайды. Керек десеңіз, Siri көмекшісіне «Play the top song from March 1991» деп айтуыңызға болады.
Файлдарды тауып, ашыңыз. Siri көмекшісінен файлдарды табуды сұраңыз және оларды тікелей Siri терезесінен ашыңыз. Файл атауы немесе сипаттама бойынша сұрауыңызға болады. Мысалы, «Show me files Ursula sent» немесе «Open the spreadsheet I created last night».
Сүйреп апарып, тастаңыз. Siri терезесінен суреттер мен орындарды электрондық поштаға, мәтіндік хабарға немесе құжатқа сүйреп апарып тастаңыз. Сондай-ақ, мәтінді көшіріп, қоюыңызға болады.
Дауысты өзгертіңіз. System Preferences терезесінде Siri көмекшісін басыңыз, одан кейін Siri Voice мәзірінен параметрді таңдаңыз.
Осы нұсқаулықта Siri көмекшісінен сұрауға болатын нәрселер үшін ұсыныстарды табасыз—олар келесі сияқты:
Siri к-нен сұрау. Келесі сияқты бірнәрсе айтыңыз:
«Open the Keynote presentation I was working on last night.»
«What time is it in Paris?»
Қосымша мәліметтер. Mac компьютеріңіздегі Siri көмекшісін пайдалану атты Apple Support мақаласын қараңыз.