Go dilində struct əlaqəli məlumatları qruplaşdırmaq üçün istifadə olunur. Adətən, struct-lar müəyyən bir adla elan olunur və bu, kod daxilində onlara müraciət etməyə və təkrar istifadə etməyə imkan verir. Lakin Go həmçinin anonim struct-ları da dəstəkləyir, yəni müəyyən olunmuş adı olmayan struct-lar.

Anonim struct-lar, yalnız müəyyən bir kontekstdə istifadə edilən, sadə və müvəqqəti strukturlar üçün faydalıdır. Onlar əsasən qısamüddətli məlumat strukturları üçün istifadə olunur.

package main

import "fmt"

func main() {
    person := struct {
        Name string
        Age  int
    }{
        Name: "Alice",
        Age:  30,
    }
	
    fmt.Println("Name:", person.Name)
    fmt.Println("Age:", person.Age)
}

Name: Alice
Age: 30

Bu nümunədə, anonim struct "Name" və "Age" məlumatlarını saxlamaq üçün yaradılır və person dəyişəninə təyin edilir. Struct-ın adı yoxdur və yalnız bu kod blokunda istifadə olunur.