Tgħallem u ilgħab
Jekk int student tal-iskola primarja jew sekondarja, dan hu fejn issib logħob, kompetizzjonijiet u kotba ta’ attività biex jgħinuk tiskopri l-UE b’mod divertenti, fil-klassi jew id-dar. Tista’ ssir taf aktar dwar l-istudju jew il-volontarjat barra minn pajjiżek.
Għallem u kkonnettja
Jekk int għalliem u tixtieq tgħin lill-istudenti tiegħek jitgħallmu dwar l-UE u kif din taħdem, dan huwa sors ta’ materjal għat-tagħlim għall-gruppi tal-etajiet kollha. Barra li ssib ispirazzjoni għall-pjanijiet tal-lezzjonijiet, tista’ wkoll tiskopri opportunitajiet ta’ networking ma’ skejjel u ma’ għalliema oħra fl-UE kollha.
Bil-lingwi kollha tal-UE
Ir-Rokna tat-Tagħlim hi disponibbli bl-24 lingwa uffiċjali tal-UE. Agħżel il-lingwa li trid fin-naħa ta’ fuq tal-paġna.
Skopri aktar
Ivvjaġġa lura fiż-żmien u skopri mumenti importanti fl-istorja, l-invenzjonijiet, l-avvenimenti maġġuri fl-isport u s-soċjetà u aktar....li waslu għall-UE kif nafuha llum.
Sib skejjel biex tingħaqad magħhom, għalliema li tista’ taqsam l-esperjenzi tiegħek magħhom, seminars u ħafna aktar informazzjoni pprovduta min-networks Ewropej.
Sib informazzjoni dwar skambji, boroż ta’ studju, volontarjat, traineeships, impjiegi, żjajjar fl-istituzzjonijiet tal-UE u ħafna aktar opportunitajiet għaż-żgħażagħ.
X'hemm ġdid?
F’dawn l-aħħar snin rajna kemm l-informazzjoni qarrieqa jew falza tista’ tinxtered malajr online. Il-Ġimgħa Globali tal-Litteriżmu fil-Media u fl-Informazzjoni se tkun bejn l-24 u l-31 ta’ Ottubru. It-tema ta’ din is-sena tenfasizza l-importanza li n-nies jiġu mgħammra b’ħiliet ta’ ħsieb kritiku fl-ekosistema diġitali tal-lum.
L-istatistika hija parti kostanti minn ħajjitna. Hija kruċjali biex niksbu għarfien profond u affidabbli dwar kif ngħixu. Mill-ispettakli televiżivi sal-isport, l-ikel u l-mużika, in-numri jinsabu kullimkien! L-20 ta’ Ottubru huwa l-Jum Ewropew tal-Istatistika. Uża r-riżorsi differenti tal-Eurostat biex tiskopri aktar.
Fil-5 ta’ Ottubru niċċelebraw il-ħidma importanti tal-għalliema madwar id-dinja u nuruhom l-apprezzament li tant jistħoqqilhom.
